بسم الله الرحمن الرحيم
أعـــزائي وأحبابي اعضاء منتدى دوري السابعه دوت نت أحيكم بتحيه الأسلام وحبيت أطرح موضوع مهم للغايه لان البعض قام يتلاعب بمسأله الألفاظ ويفسر الكلام على هواه ومزاجـــــه !!
موضوعي بكل أختصار شديد هو عن اللاعب الأسمراني وفهد الملاعب اللاعب ( عبدالله عمر إسماعيل ) هذا اللاعب المسلم بأقواله وأفعاله وصفاته ، سمعت أن اللاعب العزيز مستاء جداً من المواضيع اللي تنكتب في هالمنتدى خصوصاً لما ينادونه المجنس والمجنس !!!
أحب اقول حق بوعمر الغالي الله يطول بعمره ـ لا يا بوعمر انت واحد منه وفينه وكل البحرين اتفاخر فيك بأنك مثلتها وتشرفت بالإنخـــراط فيها ، وصدقني يا بوعمر الكل يحبك وربعي خصوصا يحبونك وكل ما يجوفونك تلعب مباراه ولا شي (يقولون ما شاء الله عليه هالعبدالله صج سريع ) وكذلك من مجالستي لكل اصدقائي وبعض من الاهل الكل يشيد بمستواك الرفيع وحرفتــك اللا متناهيه بكره القدم .
بالنهايه نقول لك يا بوعمر ترا إحنه صحيح نعارض مساله التجنيس لكن انت + فوزي عايش وبعض اللاعبين الحبايب حاله خاصه وإستثنائيه جداً ، بعكس الناس اللي اتيي بالخش والدس وما يندره وين مصدرهم !!!!
وانت يا بوعمر مثلت البحرين في محافل كثيره وكرموك في محافل كثيره أيضاً وابرزها تأهلنا لتصفيات كاس العالم للكره الشاطئيه وانت كنت خير سفير لبلدك البحرين ورفعت راسنه في العلالي ( الله يبيض ويهك دنيا وآخره ) .... فلا تحط بخاطرك ولا تدير أي بال للكلام السوقي اللي ينقال من قبل بعض الجهله والمتخلفين وإللي ما همهم الا عمل ( الشوشره ) و ( استباق الأحداث الصحفيه الرخيصه بدون سبب ) .
وحياك الله في ديرتك البحرين وان ما شالتك البحرين تشيلك عيونه .
موضوع: لا يا عبدالله عمر أنت مو مجنــــــس 
الجمعة يناير 18, 2008 6:16 pm